Goranboy rayonunda piyadanın ölümü ilə nəticələnən ağır yol qəzası baş verib. APA TV-nın qərb bürosunun məlumatına görə, hadisə rayonun Xoylu kəndində qeydə alınıb.
Kənd sakini, 2003-cü il təvəllüdlü Süleymanov Əli Şahin oğlu yolu keçmək istəyən zaman “Priora” markalı minik avtomobili tərəfindən vurulub. Müxtəlif dərəcəli bədən xəsarətləri alan 16 yaşlı gənc dərhal xəstəxanaya çatdırılsa da həkimlərin səyinə baxmayaraq dünyasını dəyişib.
Qeyd edək ki, hadisə baş verən zaman yeniyetmə hazırlıq kursundan gəlirmiş.
Faktla bağlı araşdırma aparılır.
