Zaqatalada qətl törədilib. APA TV-nin şimal-qərb bürosunun məlumatına görə, hadisə avqustun 14-dən 15-ə keçən gecə Kəpənəkçi kəndində baş verib.
Rayonun Qandax kənd sakini, 1982-ci il təvəllüdlü Kərim Bəhram oğlu Kərimovla rayonun Kəpənəkçi kənd sakini Telman Hacı oğlu Hacıyev arasında şəxsi münasibətlər zəminində mübahisə baş verib. Mübahisə zamanı Kərim Kərimov Telman Hacıyevi döyməyə başlayıb. Aldığı xəsarətlər Telman Hacıyevin ölümünə səbəb olub.
Kərim Kərimov saxlanılıb. O, əvvəllər Rusiya Federasiyasında cinayət törətdiyinə görə məhkum edilib.
Meyit müayinə edilmək üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya birliyinin Zaqatala rayon şöbəsinə verilib.
Faktla bağlı cinayət işi başlayıb.
