Almaniyada “Sparkassen Chess-Meeting” beynəlxalq şahmat turniri davam edir. Dortmund şəhərində dairəvi sistem üzrə keçirilən yarışda 4-cü turun oyunları geridə qalıb.
Turnirdə ölkəmizi təmsil edən Teymur Rəcəbov ABŞ-dan olan şahmatçı Lenyer Dominqeslə qarşılaşıb. Tərəflər 42-ci gedişlə sülh bağlayıblar.
Xatırladaq ki, əvvəlki oyunlarda polşalı Radoslav Voytaşek və macarıstanlı Riçard Rapportla heç-heçə edən qrossmesyterimiz, almaniyalı Liviu Dieter Nisipeanunu mat qoyub.
Beləliklə, 4 turdan sonra aktivində 2 xal yarım olan Teymur Voytaşek və Rapportla birgə ilk 3 pilləni bölüşür.
Bu gün yarışda istirahət günüdür. Rəcəbov sabah reallaşacaq 5-ci turda rusiyalı həmkarı Yan Nepomnyaşiylə üz-üzə gələcək.
Beynəlxalq turnirə iyulun 21-də yekun vurulacaq.