“Report”un Gürcüstan bürosuna açıqlamasında politoloq Tengiz Txilava bildirib ki, Gürcüstanda böhran çoxdandır yaranıb və bunun da səbəbi hökumətin qeyri-peşəkarlığıdır.
Politoloqun sözlərinə görə, Abxaziyada döyüşdüyü iddia olunan rusiyalı deputat Sergey Qavrilovun Tbilisiyə dəvət olunması səhv addımdır: “Hakim komanda üzvlərinin rusiyalı deputatın parlamentdə spikerin kreslosunda əyləşməsinin razılaşdırılmadığını bildirərək, özlərinə haqq qazandırmaları isə növbəti ağılsızlıq olub. Hamıya məlumdur ki, bu cür tədbirlərin proqramı və gündəliyi öncədən təsdiqlənir”.
