Afrika ölkəsi olan Botsvananın səması meteor alovuna bürünüb. Alimlər kiçik ölçülü asteroidi aşkarlayandan bir neçə saat sonra səma cismi yerə çırpılıb.
NASA diametri 150 metrdən böyük olan bütün səma cisimlərinin 90 faizini əvvəlcədən aşkarlaya bilir. Amma bu cisim kiçik olduğuna görə onu zamanında aşkarlamaq mümkün olmayıb.
Gizmodo.com saytı xəbər verir ki, "2018 LA” adlandırılan bu qaya parçası ilk olaraq iyunun 2-də Arizonadan aparılan müşahidələr nəticəsində aşkara çıxarılıb. Həmin vaxt asteroid yerdən Ay məsafəsində olub.
Tədqiqatçılar başa düşüblər ki, səma cismi Yerlə toqquşacaq və əvvəlcədən bir neçə zərbə nöqtəsini ehtimal ediblər. Asteroid yaxınlaşdıqca alimlər onun Afrikanın cənubuna düşəcəyini təxmin edə biliblər və qabaqcadan xəbərdarlıq edilib. Asteroid atmosferə saatda 70000 kilometr sürətlə daxil olub.

Telegram kanalımızı izləyin