Gəncədə sürücülər motosiklet və moped sürücülərinin qayda pozuntularından narazıdır.
Bu barədə Gəncə sakinləri Avtosfer.az-a şikayət edib. Sürücülərdən biri şikayətində qeyd edib ki, şəhərin Heydər Əliyev prospektində, Gəncə Beynəlxalq Xəstəxanasının yaxınlığındakı yolayrıcında vaxtaşırı qəzalar baş verir.
Son 10 gündə motokuryerlərin qayda pozması nəticəsində 3 qəza hadisəsi baş verib.
Görüntülərdəki qəza da elə həmin kəsişmədə baş verib. Əks yola çıxaraq digər avtomobilləri ötməyə çalışan moped sürücüsü Gəncə Beynəlxalq Xəstəxanası istiqamətində irəliləyən “Chevrolet”ə çırpılıb. Nəticədə, motokuryer özü xəsarət alıb.
