Suriyanın Şərqi Quta bölgəsindəki yaralıların və dinc sakinlərin çıxarılmasına başlanılıb. APA TV-nin "Euronews"a istinadən verdiyi xəbərə görə, bölgədə ən böyük silahlı qruplaşma olan "Ceyş-ül İslam" və Suriyanın əsas müttəfiqi Rusiya arasında əldə edilmiş razılıqdan sonra tibbi yardıma ehtiyacı olanlar, uşaqlar və qadınlar ərazidən təxliyyə edilir. Məlumata görə, bir ay əvvəl münaqişələrin başlanıldığı Şərqi Qutada ilk dəfə olaraq dinc sakinlərin ərazidən çıxarılmasına başlanılıb. BMT-nin açıqlamasına görə, Suriya ordusunun və müttəfiqlərinin sıx atəşə məruz qoyduğu paytaxt Dəməşq yaxınlığındakı Quta bölgəsində indiyədək azı 1100 dinc sakin öldürülüb.
