Moldovanın nüfuzlu və böyük oxucu auditoriyasına malik timpul.md informasiya agentliyində “Mehriban Əliyeva: Azərbaycan Ordusu başqa dövlətin torpaqlarına ayaq basmayıb, o, doğma torpağını qoruyur və onun uğrunda döyüşür” adlı məqalə dərc olunub. Məqalədə deyilir. “Azərbaycan dövləti heç vaxt başqasının torpaqlarına iddialı olmayıb, heç zaman insanlığa qarşı cinayət törətməyib. Azərbaycan Ordusu başqa dövlətin torpaqlarına ayaq basmayıb, o, doğma torpağını qoruyur və onun uğrunda döyüşür!”-Azərbaycanın birinci vitse-prezidenti Mehriban Əliyeva facebook səhifəsində yazıb. “Azərbaycan Ordusu öz vətənini müdafiə edərək, uğurlu əks-hücum əməliyyatı keçirir və Azərbaycanın işğal altında olan ərazilərini azad edir. Azərbaycan dövlətinə və xalqına dəstək olaraq öz prinsipial və ədalətli mövqeyini nümayiş etdirən bütün insanlara, təşkilatlara və dövlətlərə dərin təşəkkürümü bildirirəm. İlk növbədə, qardaş Türkiyə xalqına və şəxsən Prezident Rəcəb Tayyib Ərdoğana minnətdaram. Onların həmrəyliyi və mənəvi dəstəyi bu gün hər bir azərbaycanlıya qürur hissi yaşadır. Azərbaycanın bütün əsgərlərinin, zabitlərinin həyatı və sağlamlığı üçün dua edirəm! Bu gün biz azərbaycanlılar niyyətimizlə, hərəkət və dualarımızla misli görülməmiş birlik göstəririk. Ulu Tanrı Azərbaycan xalqına onun müqəddəs mübarizəsində yar olsun! Qoy Uca Tanrı hər bir azərbaycanlıya müqəddəs Qarabağ torpağını öpməyi nəsib etsin! Allah şəhidlərimizə rəhmət etsin! Qəbirləri nurla dolsun!”- Mehriban Əliyeva şərhində deyib. Məqalə ilə aşağıdakı linkdə tanış olmaq mümkündür: https://timpul.md/ru/articol/Mekhriban-Aliyeva-Azerbaydzhanskaya-armiya-ne-stupala-na-zemli-drugogo-gosudarstva-ona-zashchishchayet-i-srazhayetsya-za-rodnuyu-zemlyu-160095.html
