Sosial şəbəkələrdə körpəni ayağından tutaraq, janqlyorluq edən atanın videosu yayılıb. "Arqumentı i Faktı”nın məlumatına görə, Rusiyanın Soçi şəhərindən olan kadrlar böyük ictimai rezonans doğurub. Bundan başqa, kişinin "Instagram” səhifəsində uşağı ağzı üstə döşəmənin üstünə qoyaraq, mahnı oxuması barədə də kadrlar dərc olunub. Məlumata görə, artıq kişi həbs olunub. Uşağı isə nənə və babası öz himayəsinə götürmək istəyir. Onu da qeyd edək ki, körpədə qəddar münasibətin izləri aşkar olunmayıb. Ancaq müayinə davam edir.
