Bakının Nizami rayonunda yol-nəqliyyat hadisəsi baş verib, 3 nəfər xəsarət alıb. Qəza Babək prospektində baş verib. “Mercedes” markalı yük avtomobilinin sürücüsü Vidadi Hüseynov işıqforun qırmızı işığında dayanıb. Vüqar Abdullayev idarə etdiyi “Toyota” markalı nəqliyyat vasitəsilə yük avtomobilinə çırpılıb. Hadisə nəticəsində minik avtomobilində olan 3 qadın xəsarət alıb. Hər iki sürücü bildirib ki, hadisə vaxtı yolun sağ tərəfində işıqfor işlək vəziyyətdə olmayıb. Faktla bağlı araşdırma aparılır. (APA)
