Oğuzda faciə: 12 yaşlı uşaq meşədə itkin düşdü, parçalanmış meyiti tapıldı – Ayı hücumuna məruz qaldığı güman edilir (Foto) 10:49 - 22 May Oğuz rayonunda 12 yaşlı Cəbrayılın meşədə itkin düşməsi faciəli yekunlaşıb. Avropa.info xəbər verir ki, ötən gün Fövqəladə Hallar Nazirliyinin (FHN) "112" qaynar telefon xəttinə Oğuz rayonunun Xaçmaz kəndi yaxınlığında, meşəlik ərazidə 2008-ci il təvəllüdlü Məmmədli Cəbrayıl Vüsal oğlunun itkin düşməsi barədə məlumat daxil olub. Nazirliyin Şimal-qərb Regional Mərkəzinin müvafiq xilasetmə qüvvələri qeyd edilən əraziyə cəlb olunub, aidiyyəti qurumlar məlumatlandırılıb. Az əvvəl axtarışların nəticəsində itkin düşən Cəbrayılın parçalanmışmeyiti tapılıb. Onu ayının parçaladığı ehtimal olunur. Hazırda hüquq-mühafizə orqanlarının əməkdaşları meyitin tapıldığı əraziyə yollanıb, rəsmi məlumat daha sonra veriləcək. Yeniyetmənin hansı şəraitdə meşədə itkin düşdüyü məlum deyil. Son vaxtlar Azərbaycanda valideyinlərin məsuliyyətsizliyi ucbatında azyaşlı körpələrin və uşaqların müxtəlif şəraitlərdə həlak olması halları tez-tez baş verir.
