Metroda boks turniri keçirilir

Ukrayna-Rusiya müharibəsinin davam etdiyi Ukraynanın Xarkov şəhərində təhlükəsizlik məqsədilə metro stansiyasında boks turniri keçirilib.


Oxu24.com Ukrayna mediasına istinadən xəbər verir ki, “Ukrayna Müdafiəçiləri Metro Stansiyası”nda təhlükəsizlik məqsədilə keçirilən turnirdə Ukrayna Boks Milli Komandası və Xarkov Boks Komandası idmançıları iştirak edir.


Birgünlük turnirin açılışında çıxış edən Xarkov vilayətinin Dövlət Administrasiyasının rəhbəri Oleq Sinegubov belə bir tədbiri Xarkovda təşkil etməkdən məmnun olduğunu bildirib.


Sinegubov Xarkov vilayətini müdafiə edən əsgərlərin şərəfinə təşkil olunan turnirə vətəndaşların böyük maraq göstərdiyini vurğulayıb.


Ukraynanın ikinci böyük şəhəri Xarkovda bəzi insanlar təhlükəsizlik səbəbi ilə metro stansiyalarında qalmağa davam edir.

Turnirdən görüntüləri təqdim edirik: