Xarkov şəhərində döyüşlər davam edir

Xarkovda 300-ə qədər ukraynalı əsgər həlak olub. Bu barədə Rusiya Müdafiə Nazirliyindən verilən məlumatda bildirilir. Nazirliyin nümayəndəsinin sözlərinə görə, Donetskdə 54-cü mexanikləşdirilmiş briqadanın komanda məntəqəsi vurulub.

Rusiya Müdafiə Nazirliyinin rəsmisi, general-leytenant İqor Konaşenkov jurnalistlərə verdiyi açıqlamada bildirib ki, Rusiya Qüvvələri Ukrayna Milli Qvardiyasının beşinci briqadasının qərargahına, Ukrayna Silahlı Qüvvələrinin briqadasının və “Kraken” milli birləşməsinin Balakliya və Çuqev rayonlarında yerləşdirilmə məntəqələrinə dəqiq silahlarla zərbələr endirilib. Onun sözlərinə görə, Donetskdə Ukraynanın çoxsaylı reaktiv yaylım atəşi sistemlərindən ibarət 830 döyüş maşını məhv edilib. Operativ-taktiki və ordu aviasiyası, raket qoşunları və artilleriya bir sutka ərzində Ukraynanın Donetsk və Nikolayev vilayətində 7 komanda məntəqəsini vurub.

Bundan başqa, Müdafiə nazirliyindən verilən məlumata görə, Ukrayna ərazisindəki hərbi obyektlərə operativ-taktiki və ordu aviasiyasının, raket qüvvələrinin və artilleriyasının zərbələri davam edir. Donetskdə və Nikolayev vilayətində Ukrayna Silahlı Qüvvələrinin 48 artilleriya bölməsi, canlı qüvvəsi və hərbi texnikası vurulub.

REAL