Xəbər verdiyimiz kimi, may ayının 13-ü qəbul imtahanından çıxandan sonra gecə saatlarında Sumqayıt şəhər sakini, abituriyent Pənah Quliyev özünü yaşadığı binanın 4-cü mərtəbəsindən ataraq intihar edib. Hadisə elektron mətbuatla yanaşı, televiziya kanallarının da əsas müzakirə obyektinə çevrilib.
Xeberle.com-un məlumatına görə, 17 yaşlı Pənah Quliyevin ölümü ilə bağlı bəzi kanallarda aparılan müzakirələr onun ailəsinin narazılığına səbəb olub. Pənahın babası Nemət Bayramov Xeberle.com saytına danışaraq bir çox gizli məqamları açıqlayıb və bəzi kanalların əsassız müzakirələrindən narazı olduğunu bildirib.
