Mehrab Xəlilovun rəhbəri olduğu "Jobs” MMC vətəndaşları aldadıb - Serbiyada işə düzəlmək adı ilə Pullarını alıb (ŞOK İDDİA)
Bir qrup Azərbaycan vətəndaşı işlə təmin ediləcəkləri vədi ilə Serbiyaya göndərilib. Lakin verilən vədlər reallaşmayıb, nəticədə onlar ağır duruma düşüblər.
32gun.az-ın əldə etdiyi məlumata görə, vətəndaşlar iddia edir ki, “Jobs” MMC-nin rəhbəri Mehrab Xəlilov Nəzər oğlu hər birindən 3500 manat alaraq Serbiyada işlə təmin olunacaqlarına söz verib. Lakin nə iş, nə də vəd edilən yaşayış və əmək şəraiti təmin olunmayıb.
Bu hadisə təkcə maddi fırıldaq deyil — bu, həm də insan hüquqlarının və milli ləyaqətin açıq şəkildə pozulmasıdır.
Öz millətinin insanlarını bu cür aldadaraq xarici ölkələrdə çıxılmaz vəziyyətə salmaq nə vicdana, nə qanuna, nə də insanlığa sığır.
Zərərçəkmişlər aidiyyəti dövlət qurumlarından müdaxilə gözləyir və məsul şəxslərin cəzalandırılmasını tələb edirlər.
https://youtube.com/shorts/lt9j5ZrDpxA?si=mJ3oqcIk2k8iUM8x
