Lənkərənada əməliyyat:Tutulan var

Öz torpaq sahəsində çətənə kolu yetişdirən Lənkəran sakini saxlanılıb.

APA TV-nin cənub bürosunun verdiyi məlumata görə, polis əməkdaşlarının daxil olmuş məlumat əsasında keçirdikləri əməliyyat nəticəsində rayonun Bürcəli kənd sakini Aqil Babayevin özünə aid torpaq sahəsində kultivasiya yolu ilə çətənə kolları yetişdirdiyi müəyyən edilib.

Saxlanılan Aqil Babayevin özünün iştirakı ilə əraziyə keçirilən baxış zamanı xüsusi qaydada qulluq edilərək becərilmiş 510 ədəd çətənə kolu aşkar edilərək götürülüb.

Faktla bağlı araşdırma aparılır.