Ermənistan yenə Qərbə sığındı

Sərhədlərin delimitasiya və demarkasiyasından istifadə edərək Ermənistan-Azərbaycan sərhəddində gərginlik yaradan rəsmi İrəvan buna görə Rusiyadan lazımı dəstəyi ala bilmədiyindən Qərbə sığınıb.

İndi də Qərb ölkələrinə müraciət edərək kömək gözləyir. Məsələyə münasibət bildirən millət vəkili Hikmət Babaoğlu REAL-a açıqlamasında bildirdi ki, Paşinyan 3 tərəfli razılaşmaya yeni partnyorlar cəlb etsə də bu, heç cür mümkün olmayacaq.

Millət vəkili bildirdi ki, artıq Ermənistan özünü dövlət kimi apara bilmir. Nə sərhədlərini qoruya bilir, nə də regionda baş verən hadisələrə pos-müharibə dövrünün tələblərinə uyğun şəkildə adekvat reaksiya verə bilir. Ömür boyu kimdənsə aslı vəziyyətdə yaşayan Ermənisan indi də Qərbin yaxasından aslı vəziyyətdə qalıb.

Millət vəkili əlavə etdi ki, Ermənistan tərəfi artıq 10 noyabr razılşamasının mahiyyətini anlamalıdır və sərhədlərin müəyyənləşməsi, kommunikasiya xətlərinin açılması ilə bağlı yerinə yetirilən öhdəliyə mane olmamalıdır.

REAL