CNN, İsrail əleyhinə sözlərinə görə şərhçini qovdu

Fələstinin azad edilməsinin vacibliyi barədə çıxışından sonra CNN telekanalı siyasi icmalçı Mark Lamont Hilli işdən qovmaq barədə qərar alıb. FaktXeber.com-un verdiyi məlumata görə, bu barədə Mediate xəbər verib.

Bildirilir ki, Hill öz çıxışında «çaydan dənizə qədər olan Fələstinin azadlığı üçün İsraili boykot eləməyə» çağırıb.

Bundan sonra ona qarşı təzyiqlər artıb. Nəhayət Hill, özünün Tvitter səhifəsində vurğulayır ki, o, Fələstinin azadlığının tərəfdarı olsa da, antisemitizmin tərəfdarı deyil və onun sözlərində kimisə, ya nəyisə dağıtmaq barədə çağırış olmayıb.

Bununla belə, CNN telekanalı Hillə müqaviləni dayandırıb.