Britaniyada minlərlə ev təxliyyə olundu

Böyük Britaniyada sakinlər kütləvi şəkildə evlərindən təxliyyə edilir. “Qafqazinfo”nun məlumatına görə, bu barədə “RİA Novosti” yerli hakim dairələrə istinadən xəbər verib.

Yağan aramsız yağışlar və daşqın səbəbindən ölkənin bir neçə bölgəsində fövqəladə vəziyyət elan olunub. Buna görə minlərlə ev təxliyyə edilib.

Men adasındakı Laksi kəndi tamamilə dünyadan təcrid olunmuş vəziyyətə düşüb. İnsident nəticəsində yaşayış evlərinin çoxu ciddi zərər çəkib.

Norfolkun qərb hissəsində 3 minə yaxın insanın təxliyyə olunduğu bildirilir.

Hazırda xilasedicilər sahilyanı rayonlarda təxliyyə işlərini davam etdirir.