Boltonun dəftərçəsindəki qeyd dünyanı qarışıdırır: Müşavir 5 min əsgəri hara göndərir?

ABŞ prezidnti Donald Trampın milli təhlükəsizlik üzrə müşaviri Con Boltonun qeyd kitabçasındakı cümlələr dünya mətbuatının diqqət mərkəzindədir. Cebhe.info xəbər verir ki, mətbuat konfransı zamanı Con Boltonun əlindəki qeyd dəftərçəsində "Əfqanıstan danışıqlara hazırdır, Kolumbiyaya 5 000 əsgər" qeydi diqqəti çəkib. Mətbuat bunun Venesuelada gərginləşən vəziyyətlə əlaqədar olduğunu təxmin edir.



Artıq Kolumbiyadan bu təxminlərə cavab gəlib. Kolumbiya XİN bəyanatla çıxış edərək müşavirin dəftərçəsindəki qeyddən məlumatsız olduqlarını bildirib: "Bu qeydin mənası və səbəbi bizə məlum deyil".



Kolumbiya XİN həmçinin qeyd edib ki, ölkə rəsmi Karakasla münasibətdə Vaşinqtonla əməkdaşlığa hazırdır.