Aynişan Quliyeva illərdir arzuladığı evi aldı – “Xəyallarımı qurduğum ev”

Əməkdar artist Aybəniz Haşımovanın bloger qızı, 33 yaşlı influenser Aynişan Quliyeva özünə yeni ev alıb. O, bu sevincli xəbəri 1,4 milyon izləyicisi olan Instagram hesabında paylaşaraq illərdir bu anı gözlədiyini bildirib.

Aynişan yeni evinin videosunu yayımlayaraq hisslərini belə ifadə edib:

“Nəhayət, illərin arzusu gerçəyə çevrildi… ✨ Xəyallarımı qurduğum evi aldım. Bu yol asan olmadı, amma hər anına dəyərdi. İndi isə ən gözəl hissəsi başlayır – onu gerçək bir yuvaya çevirmək. ❤️ Allah arzusunda olan hər kəsə qismət etsin.”

İzləyicilərinin çoxu paylaşımın şərh bölməsində onu təbrik edərək, uğurlarının davamını arzulayıb. Aynişan uzun illərdir ev sahibi olmağın xəyalını qurduğunu, bu məqsədə çatmaq üçün xərclərini azaltdığını bildirib. O, videoda iş həyatında uğurlu işbirliklərinin ard-arda gəldiyini və bunun sayəsində istədiyi məbləği yığa bildiyini qeyd edib.

Aynişanın paylaşımı izləyiciləri tərəfindən böyük maraqla qarşılanıb və qısa zamanda minlərlə bəyənmə toplayıb.

Telegram kanalımızı izləyin