Rusiyanın  Nijni Novqorod vilayətində   iki avtomobilin toqquşması nəticəsində iki nəfər ölüb.

Oxu24.com  xəbər verir    ki, Regional Daxili İşlər Nazirliyinin rəsmi Telegram kanalında bildirilib ki, avtomobillərdən biri insanların olduğu avtobus dayanacağına çırpılıb.

"İlkin məlumata görə, "Honda" və "ZAZ" markalı avtomobillər toqquşub. Toqquşmadan sonra  avtomobil həmin an insanların olduğu ictimai nəqliyyat dayanacağına çırpılıb. Qəza nəticəsində iki nəfər ölüb", - məlumatda deyilir.

Daha iki nəfər, o cümlədən biri azyaşlı yaralanıb. Onlar xəstəxanaya yerləşdirilib.

Hazırda hadisə yerində əməliyyat-istintaq qrupu işləyir.

Nijni Novqorod vilayətinin Fövqəladə Hallar Nazirliyi də avtobus dayanacağında olan iki qadının həlak olduğunu bildirib.