Sosial şəbəkələrdə yayılan videomaterialla bağlı Bona Dea Xəstəxanası açıqlama yayıb. Sfera.az REAL-a istinadən xəbər verir ki, açıqlamada deyir: Sosial şəbəkələrdə yayılan videomaterialla bağlı bildirmək istəyirik ki, 05 May 2020-ci il tarixində xəstəxanamıza qanhayxırma və son 20 gündə 8 kq arıqlama şikayəti ilə müraciət edən 1998-ci il təvəllüdlü Məmmədova Təbəssüm Rövşən qızı tibbi onkoloq tərəfindən müayinə olunub. Müayinə zamanı digər xəstəxanalarda aparılmış radioloji müayinələr (tarakoabdominal KT) araşdırılmış, ağciyər, qaraciyər və yumurtalıqlarda yayılmış şəkildə metastatik ocaqlar aşkarlanıb. Xəstə yaxınlarına mövcud vəziyyət barədə ətraflı məlumat verilmiş və dəqiq diaqnoz üçün biopsiya tövsiyyə olunub.
