Rəmişin səhhəti ilə bağlı son məlumat

Bir neçə gün bundan əvvəl səhhətində ciddi problemlər yaranan və xəstəxanaya yerləşdirilən Azərbaycanın xalq artisti Rəmişin müalicəsi hazırda Bakı Sağlamlıq Mərkəzinin reanimasiya şöbəsində davam etdirilir. Axar.az Real TV-yə istinadla xəbər verir ki, Rəmişin səhhəti ilk günlərə nisbətən indi yaxşıdır. Həyat yoldaşı Güllü Hüseynova deyir ki, Rəmiş uzun müddətdir xəstəlikdən əziyyət çəkirdi. Son zamanlar isə vəziyyəti kəskinləşib. Xatırladaq ki, səhhətində problemlər yaranan xalq artisti yanvarın 28-də xəstəxanaya yerləşdirilib. Azərbaycanın Birinci vitse-prezidenti Mehriban Əliyevanın göstərişi ilə Rəmişin səhhəti nəzarətə götürülüb.