Nadir Qafarzadə: ““Loxun” birini tapıb, kefini çəkir"

Müğənni Nadir Qafarzadə şou-biznesin qadın müğənniləri haqda sərt açıqlama edib.



Bax.TV Lent.az-a istinadən xəbər verir ki, ifaçı yerli mətbuata verdiyi video müsahibədə qadın həmkarlarının bəzilərini evyıxan adlandırıb. Qafarzadə belə deyib:



“Əslində, onlar özlərini elə göstəriblər. Bir-birinin əlindən ərlərini alırlar. Kişi qəhətdir? Sən niyə başqasının bəxbəxtliyi üzərində xoşbəxtlik qurmaq istəyirsən? Get, subay biri ilə evlən. Sən kiminsə balalarını ata üzünə həsrət qoyursan.



Bəzi kişilər də gül kimi cənnət qoxulu xanımını faişəyə dəyişir. Bir yandan da qadın müğənnilərdə günah yoxdur. Əcəb edib, istifadə edir. “Loxun” birini tapıb, kefini çəkir. Deyir ki, cəhənnəmə ki, günahdır. Kimdir o dünyada nə etdiyimi bilən. Fikirləşmirlər ki, bunların hamısı o dünyada səndən çıxacaq. Həmin övladların, xanımın gözyaşları o müğənnilərin çiyninə damcılayacaq. Əzrayıl isə səni itin balası kimi qamçılayacaq”.