İndi də Elzanın mahnısını oğurladılar

Əməkdar artist Elza Seyidcahanın "Həsrət nəğməsi" adlı mahnısı oğurlanıb.

"Yeni Sabah" xəbər verir ki, müğənninin müəllifi olduğu mahnı türkiyəli ifaçı Özgür Cançoban tərəfindən səsləndirilib. O, müəllifin adını yazmayıb, sadəcə Azərbaycan mahnısı olduğunu qeyd edib.



Seyidcahan bildirib ki, bunu özünə qarşı hörmətsizlik kimi qəbul edir və ifaçı ilə əlaqə yaradıb, məsələyə aydınlıq gətirəcək:



"Qəşəng oxuyub, bunu danmıram. Amma adımı qeyd etməli idi. bunu araşdıracam, nə üçün belə etdiyini öyrənəcəm".



Qeyd edək ki, mahnının sözləri millət vəkili Qənirə Paşayevadır.