ARB-də yayımlanan “O üz” proqramının növbəti buraxılışı mərhum müğənni Rəhim Rəhimliyə həsr olunub.
Verilişin qonağı olan Xalq artisti Faiq Ağayev mərhum həmkarını qarşısında gördükdə şok keçirib. Belə ki, efir zamanı Rəhim Rəhimlinin oxşarının görüntüləri göstərilib.
Bu zaman “Siz neylədiniz? “ – deyərək F.Ağayev studiyanı tərk edib.
Bir müddət sonra geri qayıdan sənətçi təəccübünü gizlədə bilməyib:
“Orada aktyor əyləşib. Elə qrim ediblər ki, çox oxşayır”.
Verilişin aparıcısı isə geyimin həqiqətən də mərhum sənətçinin özünə aid olduğunu vurğulayıb.
