Yeniyetmələr üçün təlim keçirildi

Azərbaycan Badminton Federasiyası ilə Dünya Badminton Federasiyasının birgə əməkdaşlığının nəticəsi olaraq “BWF Membership Grants” layihəsi çərçivəsində ölkəmizdə həyata keçirilən “Shuttle Time” proqramı bu dəfə Bakıda təşkil olunub.

Təlimə aşağı yaş qrupları üzrə 90 məktəbli qatılıb. Onlara əvvəlcə badminton idman növünün qaydaları izah olunub sonra isə məşqlərə start verilib. Milli komandanın baş məşqçisi Morteza Validarvinin rəhbərliyi altında keçirilən təlimdə məktəblilər bamdintonun nəzəri və praktik biliklərinə yiyələnib.

İlk mərhələdə Bakı ilə yanaşı Sumqayıt, Qusar, Lənkəran və Gəncədə təşkil olunan Shutlle Time proqramında ümumilikdə 500-ə yaxın məktəbli iştirak edib.