Rusiya Premyer Liqasının XXIV turunda "Spartak" - "Krasnodar (4:3) matçında bədbəxt hadisə yaşanıb.
Offsideplus.az xəbər verir ki, "Qarabağ"dan "Krasnodar"a transfer olunan Kadi Borges huşunu itirib. O, ikinci hissənin əvvəlində rəqib futbolçu Georgi Cikiya ilə toqquşub və başı onun çiyninə dəyib. Huşunu itirən Kadi yerə yıxılıb.
Futbolçuya dilini udmaması üçün ilkin tibbi yardım göstərilib, meydanı xərəkdə tərk edib.
