“Şah“ın ilk final həmləsi

Riqada şahmat üzrə “Grand Prix 2019” seriyasının ikinci mərhələsi başa çatmaq üzrədir. Latviyada keçirilən yarışda bu gün final görüşlərinə start veriləcək.



Şahmatçımız Şəhriyar Məmmədyarov fransalı Maksim Vaşe-Laqravla üz-üzə gələcək.



Xatırladaq ki, qrossmeysterimiz yarımfinalda ABŞ təmsilçisi Uesli Sonu mübarizədən kənarlaşdırıb.



Vaşe-Laqrav isə rusiyalı Aleksandr Qrişuku üstələyib.



Tərəflər sabah cavab qarşılaşmasına çıxacaqlar. 2 oyunun nəticəsinə görə qalib müəyyənləşməsə, zəka sahibləri ertəsi gün tay-brekdə münasibətləri aydınlaşdıracaqlar.