Ronaldo boş stadionda azarkeşlərlə "salamlaşdı"

Futbol üzrə İtaliya A Seriyasında 26-cı turun təxirə salınmış oyunları azarkeşsiz keçirilir.
Offsideplus.az xəbər verir ki, maraqla gözlənilən qarşılaşmada “Yuventus” çempionluq yolunda əsas rəqiblərindən olan “İnter”lə qarşılaşıb. Boş tribunalar önündə keçirilən qarşılaşmada Turin klubu iki cavabsız qolla qalib gələrək zirvədəki yerini möhkəmləndirib.
Oyundan əvvəl "Yuventus"un futbolçuları stadiona daxil olarkən, klubun ulduz oyunçusu Kriştiano Ronaldo azarkeşlərlə salamlaşırmış kimi davranıb. Bu görüntülər təkcə "Twitter"də 7 milyondan çox izlənib.