"Qızıl top"un qalibi Messidir?

"France Football" nəşri dekabrın 2-də "Qızıl top"un qalibini açıqlayacaq.
Offsideplus.az-ın məlumatına görə, mükafatı kimin əldə edəcəyi artıq məlumdur.
"France Football"ın nümayəndələri dünən "Qızıl top"la bağlı "Nou Kamp"da çəkiliş aparmaq və Lionel Messidən müsahibə almaq üçün Barselonaya gediblər. "Barselona"nın kapitanının 6-cı dəfə bu mükafatı qazanacağı vurğulanır. Belə olarsa, Messi 2009, 2010, 2011, 2012 və 2015-ci ildən sonra "Qızıl top"un sahibi olacaq.
Qeyd edək ki, Messinin əsas rəqibləri Kriştianu Ronaldo və Vircil van Deykdi. Bu mükafatın ötənilki sahibi "Real"ın yarımmüdafiəçisi Luka Modriç olub.