"Qalatasaray"ın baş məşqçisindən şok hərəkət

Türkiyənin "Qalatasaray" klubu baş məşqçisi Domenek Torrentlə yolları ayırmaq üzrədir.

Offsideplus.az xəbər verir ki, ispaniyalı mütəxəssis İstanbul təmsilçisi ilə müqaviləni ləğv etmək üçün İstanbula gedib. Hava limanında isə xoşagəlməz anlar yaşanıb. Belə ki, çalışdırıcı onu görüntüləyən operatorun kamerasını itələyib. Daha bir maraqlı məqam isə ondan ibarət olub ki, Torrenti hava limanında qarşılamağa klub rəsmilərindən heç kim gəlməyib.
O, yaxın vaxtlarda rəhbərliklə görüşəcək.

Qeyd edək ki, Torrent bu ilin yanvarında "Qalatasaray"ın baş məşqçisi təyin olunub.