Qadın güləşçilərimiz Bakıda hazırlaşır

Qadın güləşi üzrə Azərbaycan yığması Bakıda məşqləri davam etdirir.

Offsideplus.az Güləş Federasiyanın rəsmi saytına istinadən xəbər verir ki, Olimpiya Güləş Mərkəzində təlim-məşq toplanışı keçən millimiz qarşıdan gələn Dünya Olimpiya Təsnifat turnirinə son hazırlıq prosesini həyata keçirir. Komanda baş məşqçi Aslan Ağayev və məşqçi Rövşən Umudovun rəhbərliyi altında taktiki-texniki məşqlərdə iştirak edir. Fiziki hazırlıq üzrə məşqlər isə bu sahə üzrə mütəxəssis olan Mark Alan Filippinin nəzarəti altında keçirilir.

Qeyd edək ki, qadın güləşçilər mayın 3-də Bolqarıstana yollanacaq.