Millimiz böyük hesabla qalib gəldi

Bu gün futbol üzrə Azərbaycan milli komandası növbəti yoldaşlıq görüşünə çıxıb.

Qurban Qurbanovun çalışdırdığı millimiz Bakı Olimpiya Stadionunda Qırğızıstan yığması ilə üz-üzə gəlib.

Bu, komandamızın Qurbanovun rəhbərliyi altında dördüncü yoldaşlıq görüşü idi. Bundan əvvəl Türkiyədə Moldova (0:0) və Makedoniya ilə (1:1) heç-heçəyə razılaşan komandamız Bakıda Belarusa uduzmuşdu - 0:1. Bu üzdən Qurbanov millidə ilk qələbəsini qırğızlarla görüşdə rəsmiləşdirə bilərdi.

Belə də olub. Komandamız rəqibinə 3 cavabsız qolla qalib gəlib.



Yoldaşlıq oyunu
29 may

Azərbaycan - Qırğızıstan 3:0
Qol: M.Medvedev, 17. M.Mədətov, 75. Ü.Abbasov, 84.
Hakimlər: Ali Palabıyık, Serkan Olguncan, İbrahim Çağlar Uyarcan, Alper Ulusoy (hamısı Türkiyə).
Bakı Olimpiya Stadionu.