Krivotsyukun təqdimatı zamanı bayrağımıza hörmətsizlik

Xəbər verdiyimiz kimi Azərbaycan millisinin futbolçusu Anton Krivotsyuk Polşa klubuna transfer olunub.

Offsideplus.az xəbər verir ki, "Neftçi" ilə müqaviləsi başa çatan oyunçu Polşanı "Visla" klubuna keçib. 23 yaşlı müdafiəçi ilə 2 illik müqavilə imzalanıb.

Onun stadiondakı təqdimat mərasimi zamanı yaşananlar isə azərbaycanlı azarkeşləri hiddətləndirib. Belə ki, dövlət bayrağımız və "Neftçi"nin loqosu üzərində əks olunan kağız parçaları Antonun gəlişi zamanı yerə atılıb. Krivotsyuk bu hərəkətə heç məhəl də qoymayıb və təbəssüm edərək, yeni kluba keçməyin "anını yaşayıb".