Göyçay rayonunda bıçaqlanma hadisəsi baş verib.
APA TV-nin yerli bürosunun xəbərinə görə, rayonun Yalman kənd sakini, 1989-cu il təvəllüdlü Polad Salehov naməlum şəxs tərəfindən bıçaqlanıb. Yaralı xəstəxanaya yerləşdirilsə də çoxlu qan itirdiyindən tibb müəssisəsində dünyasını dəyişib.
Hadisəni törədən şəxsin tapılması üçün əməliyyat-axtarış tədbirləri davam etdirilir.
Faktla bağlı cinayət işi açılıb, araşdırma aparılır.