Zaqatalada 3-cü sinif şagirdini avtomobil vurub.
APA TV-nin məlumatına görə, hadisə Aşağı Tala 1 saylı tam orta məktəbin qarşısında baş verib.
2011-ci il təvəllüdlü Cuma Şabanov Zaqatala-Aşağı Tala marşrutu üzrə işləyən mikroavtobusdan düşüb məktəbə gedərkən Zaqatala sakini Kamran Ramazanovun idarə etdiyi “VAZ-21074” markalı minik avtomobili tərəfindən vurulub.
Müxtəlif dərəcəli bədən xəsarətləri alan 3-cü sinif şagirdi rayon Mərkəzi Xəstəxanasının cərrahiyyə şöbəsinə yerləşdirilib. Uşağın vəziyyəti orta-ağır qiymətləndirilir.
Faktla bağlı araşdırma aparılır.