Oğul anasına görə atasını döyüb öldürdü

Gədəbəydə ailə daxilində yaranan mübahisə faciə ilə nəticələnib.


Rayonun Düzyurd kənd sakini Vaqif Cəfərov ailə münaqişəsi zəminində həyat yoldaşı Mehri Cəfərovaya bıçaq xəsarətləri yetirib.

Yaralı xəstəxanaya yerləşdirilib.

Daha sonra isə Vaqif Cəfərov özü də xəstəxanalıq olub.

Vaqif Cəfərov xəstəxanada vəfat edib.

Vaqif Cəfərovun oğlu tərəfindən döyülərək xəstəxanaya yerləşdirilməsi və orada dünyasını dəyişməsi ilə bağlı Gədəbəy rayon Polis Şöbəsinin və rayon Prokurorluğunun əməkdaşları müvafiq araşdırmaya başlayıb.

Qeyd edək ki, hadisəni törətməkdə şübhəli bilinən Asəf Cəfərov ailəlidir. Üç azyaşlı övladı var.

Faktla bağlı araşdırmalar davam etdirilir.