Belarusda etiraz aksiyaları durmadan artır

Belarus Respublikasını 26 ildir dövləti idarə edən Aleksandr Lukaşenkonun yenidən prezident seçkilərində qalib gəlməsi ölkədə böyük qarşıdurmalara səbəb olub. Unikal.org xarici KİV-ə istinadən xəbər verir ki, prezident seçkilərində Lukaşenko 81 faiz səslə qalib gəlib. Bunun ardınca paytaxt Minskdəki qələbə abidəsi önünə toplaşan 300-ə yaxın adam, seçki nəticələrinə etiraz edib. Saat 21: 30-da başlayan etirazlar birdən-birə ölkənin demək olar ki, hər yerinə yayılmağa başlayıb. İnternet və elektrik kəsilmələrini bəhanə kimi istifadə edən nümayişçilər, seçkilərin saxta olduğunu iddia ediblər. Minsk küçələrində başlayan etirazlar aksiyalarının qarşısının alınmasına polis və hərbçilər cəlb edilib.