Arvadını öldürüb üç uşaqla qaçdı

Adananın mərkəzi Seyhan rayonunda ər evdə mübahisə etdiyi arvadını bıçaqlayıb. Polis qapı bağlı olduğu üçün pəncərənin dəmir barmaqlıqlarını kürək və balta ilə sındıraraq içəri girməyə müvəffəq olub.

Lent.az "milli.az"a istinadən xəbər verir ki, polis şübhəlini üç uşağı ilə getdiyi yaxınlarının evində saxlayıb.

Alınan məlumata görə, Burhan D qohumlarının yanına gedərək həyat yoldaşı Tuğba D-ni bıçaqladığını söyləyib. Qızının öldürüldüyünü eşidən ana "14 ildir qızıma qarşı zor tətbiq edirdi. Bu cür yaşayanlara lənətə gəlsin. Qızımı içəridə qoyub qaçıb. Dünyanı başına çevirəcəyəm" deyib.