Amerikalı aktrisa, “Oskar” və “Qırmızı Qlobus” mükafatçısı Holli Berri geyimi ilə gündəmə gəlib. “Qafqazinfo” xarici KİV-nə istinadən xəbər verir ki, 51 yaşlı ulduz Kaliforniyada təşkil olunan NAACP mükafatları mərasiminə qatılıb. Berri qırmızı xalça üzərinə transparan geyimdə çıxaraq kameralara poza verib. Hollinin şəffaf paltarı cəsarətli seçim olsa da, onun sadə makiyajı diqqətdən yayınmayıb. Tədbirə damğa vuran Berri 35 ulduz arasında xüsusi mükafata layiq görülüb. Qeyd edək ki, mükafatlar “National Association for the Advancement of Colored People” tərəfindən hər il kino, televiziya, kino və ədəbiyyat üzvlərinə təqdim edilir.
