Bakı Beynəlxalq Hava Limanında “Opel Astra” markalı maşın qəfildən alovlanmağa başlayıb.
APA TV Lent.az-a istinadən xəbər verir ki, bu barədə görüntülər sosial şəbəkələrdə paylaşılıb.
Ətrafdakılar alovlanan maşına müdaxilə etsələr də, nəqliyyat vasitəsini söndürməyə müvəffəq ola bilməyiblər. Nəticədə yaxınlıqda olan “Mercedes-Benz”, “Hyundai” və “Mazda”ya da ziyan dəyib.
Avtomobilin hansı səbəbdən alışdığı isə hələ ki, bəlli deyil.
AZAL-dan Lent.az-a verilən məlumata görə, Aviasiya Təhlükəsizliyi Baş İdarəsinin Yanğından Mühafizə Xidmətinin əməkdaşlarının müdaxiləsi nəticəsində yanğın söndürülüb və onun digər avtomobillərə keçməsinin qarşısı alınıb.
Faktla bağlı hüquq-mühafizə orqanları araşdırma aparır.
