Bakıda 20 şəhidin xatirəsi əbədiləşdirilib

Nərimanov rayonunda Vətən müharibəsi və 1-ci Qarabağ müharibəsinin şəhidlərinin adlarının əbədiləşdirilməsi məqsədilə inşa edilmiş bulaq - abidə kompleksinin açılış mərasimi keçirilib.

Mərasimdə Rayon İcra Hakimiyyətinin başçısı Elgin Həbibullayev, Bakı Şəhər üzrə Təhsil İdarəsinin müdiri Mehriban Vəliyeva, şəhid ailələri, müəllimlər və şagirdlər iştirak etiblər.

Tədbirdə çıxış edən şəhidlərin ailə üzvləri və yaxınları göstərilən diqqət və qayğıya görə ölkə başçısına təşəkkürlərini bildirib.

Bulağın açılışında adları qeyd olunan şəhidlərin 16-sı 1-ci Qarabağ Müharibəsində, 4-ü Vətən Müharibəsində torpaqlarımızın azad olunması uğrunda gedən döyüşlərdə şəhid olaraq, ən uca zirvəyə yüksəlib.