Ümummilli lider İstanbulda da anıldı

Ümummilli lideri Heydər Əliyevin 99-cu doğum günü münasibətilə İstanbulun Sarıyer rayonunda yerləşən Heydər Əliyev Parkında Ulu Öndərin abidəsi ziyarət olunub.

REAL xəbər verir ki, tədbir Azərbaycanın İstanbuldakı Baş Konsulluğunun təşkilatçılığı ilə keçirilib.

Mərasimdə baş konsul Nərminə Mustafayeva, Sarıyer Bələdiyyəsinin sədri Şülrü Günc, Türk Dövlətləri Təşkilatının (TDT) Baş katibinin müavini Qismət Gözəlov, eləcə də diplomatlar, Azərbaycanın dövlət təşkilatlarının Türkiyədəki nümayəndələri iştirak ediblər.

Tədbirdə çıxış edən Baş konsul Ümummilli Liderin Azərbaycan xalqı qarşısında əvəzsiz xidmətlərindən danışıb.

Qeyd edək ki, Ümummilli Leder Heydər Əliyevin 99-cu doğum günü ilə əlaqədar gün ərzində onun Sarıyerdəki abidəsi ziyarət olunur.İstər Türkiyədə yaşayan soydaşlarımız,istərsə də istanbulular bu parka gələrək Ümummilli liderin doğum günü ilə bağlı abidəsi önündə onu rəhmətlə anırlar.