Ukrayna bu şəhərə nəzarəti itirir

Rusiya Ordusu Lisiçansk rayonunda möhkəmlənir və Lisiçansk şəhərini məhv edir.

APA-nın UNİAN-a istinadən verdiyi xəbərə görə, bunu Ukraynanın Luqansk vilayətinin Hərbi Administrasiyasının sədri Sergey Qayday bildirib.

Sergey Qayday deyib ki, Rusiya yəqin ki, Lisiçanska bütün qüvvələrini yönəldib, bütün silah növlərindən istifadə edilir. Luqansk vilayətinin Hərbi Administrasiyasının sədrinin sözlərinə görə, Rusiya Ordusu ciddi itkilər versə də, inadla irəliləyir: “Onlar şəhərdə, həmçinin Vernekamenk yaşayış məntəqəsində möhkəmlənir, yaşayış məntəqələrini məhv etməyə davam edir”.

Qeyd edək ki, Lisiçansk Luqansk vilayətində Ukraynanın nəzarətində qalan son şəhər olub.