Şuşada şəhid olan əsgərimizin son sözü

Azərbaycan Silahlı Qüvvələrinin işğal altındakı torpaqların azad edilməsi uğrunda gedən əks-hücum əməliyyatlarında iştirak edən xüsusi təyinatlı Ağayev Ramiz İmanverdi oğlunun doğmalarına yazdığı son mesajlar yayılıb.

Publika.az xəbər verir ki, şəhid hərbçimiz bacısı ilə yazışmasında müalicə aldığı hospitaldan cəbhəyə geri dönəcəyini və döyüş yoldaşlarının yanına qayıdacağını deyib.

Qeyd edək ki, qəhrəman döyüşçü Murov istiqamətində gedən döyüşlərdə iştirak edib. Füzuli istiqamətindəki döyüşlərdə 3 güllə yarası alıb. Hospitalda qısa müddət müalicə aldıqdan sonra Şuşa istiqamətində gedən döyüşlərə qatılıb və şəhər qalası uğrunda mübarizədə qəhrəmancasına şəhid olub.

Şəhidimiz general-mayor Polad Həşimovun dəfn olunduğu yerdə torpağa tapşırılıb.