Suqovuşana işıq verildi

İşğaldan azad olunmuş Suqovuşan qəsəbəsinə Tərtər yarımstansiyasından 35 kV-luq elektrik xəttinin çəkiliş başa çatıb və bu gün qəsəbəyə işıq verilib.

Ağıllı Şəbəkə Konsepsiyası işğaldan azad olunan digər ərazilərdə olduğu kimi Suqovuşan ərazisində də tətbiq edilir. 35 kV-luq xətt izoliyasiyalı kabellə çəkilib.

Müasir izolyasiyalı və mühafizəli kabel xəttindən istifadə, ənənəvi elektrik veriliş xətlərinə nisbətən texnik itkiləri 2,3 dəfə, illik qəza və planlı açılmaları 25-30 dəfə sərt iqlim şəraitində, qarlı və buzlu havalarda qəza təhlükəsini dəfələrlə, dayaqlara çəkilən xərcləri 3-5 dəfə, istismar və saxlanma xərclərini 4 dəfə azaltmaqla yanaşı, əhalinin həyat və sağlamlığına təhlükə ehtimalını aradan qaldırır.

Ümumilikdə, Suqovuşan elektrik veriliş xəttinin 35 kV müasir tip kabel ilə çəkilməsi nəticəsində şəbəkənin etibarlığının artırılması təmin edilib. Suqovuşan qəsəbəsinin daxili şəbəsində isə 0.4 kv hava xətləri bərpa edilib, yeni SİP kabellər çəkilib.

REAL