Rus əsgəri Türkiyəyə girəcək?

"Rusiya və Türkiyə arasında S-400 raketdən müdafiə sistemlərinin ticarəti ilə bağlı anlaşmada heç bir problem yoxdur". APA TV-nin Türkiyə mətbuatına istinadən məlumatına görə, bu açıqlamanı Türkiyənin xarici işlər naziri Mövlud Çavuşoğlu səsləndirib.

Diplomat bildirib ki, müqavilə bu həftə imzalanacaq: "S-400 raketdən müdafiə sisteminin istifadə mexanizminə gəlincə, buna ehtiyac duyulursa Rusiya hərbçilərini çağıra bilərik. Bu texniki məsələdir və Rusiya əsgərinin Türkiyə ərazisinə daxil olması anlamına gəlmir".

Xatırladaq ki, Rusiya Türkiyəyə satacağı S-400-lərin istifadə mexanizmini özündə saxlayacağı barədə şərt qoyub.