Prokurorluğa qəbul imtahanı baş tutub

Baş Prokurorluq tərəfindən Dövlət İmtahan Mərkəzi ilə birgə sayca 23-cü müsabiqənin ilkin mərhələsi olan test imtahanı keçirilib. Baş Prokurorluğun Müsabiqə Komissiyasının sədri, Baş prokurorun müavini Heydər Məmmədov imtahanın başlandığını elan edərək, namizədlərə müvəffəqiyyətlər arzu edib. İmtahanı qeyri-hökumət təşkilatlarının nümayəndələri müşahidə edib.

Müsabiqədə 70 və daha artıq bal toplamış namizədlər növbəti mərhələdə iştirak etmək hüququ qazanıb.Nəticələr Dövlət İmtahan Mərkəzinin (www.dim.gov.az) və Baş Prokurorluğun (www.prokurorluq.gov.az) internet saytlarında yerləşdiriləcək.

İmtahanda uğurlu nəticə əldə etmiş namizədlər, yazılı imtahanın keçiriləcəyi yer və vaxt barədə məlumatlandırılacaqlar